დიდი პატარა ტყუილები

ლიან მორიარტი რადიოინტერვიუს ისმენს, რომელშიც ახალგაზრდა ქალი თავის მტკივნეულ წარსულს იხსენებს და ჰყვება, როგორ იმალებოდა საწოლის ქვეშ, როცა მისი მშობლები ჩხუბობდნენ; სწორედ ეს მონათხრობი იქცევა შთაგონების წყაროდ რომანისთვის „დიდი პატარა ტყუილები“; რომანისთვის, რომელიც ერთი შეხედვით ერთმანეთისგან სრულიად განსხვავებული ქალების შესახებაა და მათი „იდეალური“ ცხოვრების დაფარულ, ბნელ და ტკივილიან ეპიზოდებს ააშკარავებს.

„დიდი პატარა ტყუილები“ კიდევ ერთხელ შეახსენებს მკითხველს, რომ ბედნიერი ოჯახების კარს მიღმა ზოგჯერ დიდი თუ მცირე ტრაგედიები იმალება, ხოლო ადამიანის ცხოვრება შეიძლება სწორედ იმან განსაზღვროს, რასაც გაურბის და თვალს არიდებს.