ელგუჯა

"ალექსანდრე ყაზბეგის „ელგუჯა“ ქართული კრიტიკული რეალიზმის ბრწყინვალე ნიმუშია. მასში როგორც მთიელთა დამპყრობლისადმი წინააღმდეგობის, ისე კლასობრივი უთანასწორობის პრობლემებია წარმოდგენილი, რაც ავტორმა ერთი გმირის — ელგუჯას ცხოვრების მაგალითზე — განაზოგადა და ამდენად, მრავალფეროვან, საინტერესო და ამაღელვებელ ამბავს მოგვიყვა.

როდესაც პიროვნების ბედს სამშობლოს ხვედრი სჭედს და განსაზღვრავს, კეთილს ბოროტი, თავისუფლებას ძალმომრეობა, სიყვარულს ვერაგობა უპირისპირდება, ორი გზა არსებობს: დანებება ან ბრძოლა. ელგუჯა ბრძოლას ირჩევს!

და თუ ეპოქის სისასტიკე გმირის ბრძოლას ტრაგიკულ დასასრულს არგუნებს, რჩება ადგილი იმედისთვის, ოპტიმიზმისთვის? "