კიბე წიგნი 5

ღირსი იოანე სინელის "კიბე" 30 საფეხურისგან შედგება. ჩვენს სერიაში გათვალისწინებულია ხუთი წიგნის გამოცემა. ყოველი წიგნი სათნოებათა კიბის რამდენიმე საფეხურზე მოგვითხრობს. "კიბის" თითოეული საფეხურის შინაარსს მოსდევს მუხლობრივი განმარტება. მკითხველი გაეცნობა მართლმადიდებელი ეკლესიის წმინდა მოძღვართა სწავლებებს, განმარტებებს, ქადაგებებს, რომლებიც ამ საფეხურის მნიშვნელობის უკეთ გაგებასა და გათავისებაში დაგვეხმარება, ასევე გაეცნობით წმინდა მამათა თუ გამორჩეულ ერისკაცთა ცხოვრებისეულ ეპიზოდებს, რომელთაც ღირსეულად აიარეს სათნოებათა კიბის საფეხურები.